Oratio Sancti Bonaventuræ (Prayer of St. Bonaventure)
Transfíge, dulcíssime Dómine Jesu,
medúllas et víscera ánimæ meæ
suavíssimo ac salubérrimo amóris tui
vúlnere,
vera serenáque et apostólica sanctíssima
caritáte,
ut lángueat et liquefíat ánima mea solo
semper amóre et desidério tui;
te concupíscat et defíciat in átria tua,
cúpiat dissólvi et esse tecum.
Da, ut ánima mea te esúriat, panem
Angelórum, refectiónem animárum
sanctárum,
panem nostrum cotidiánum,
supersubstantiálem, habéntem omnem
dulcédinem et sapórem et omne
delectaméntum suavitátis.
Te, in quem desíderant Angeli prospícere,
semper esúriat et comédat cor meum,
et dulcédine sapóris tui repleántur víscera
ánimæ meæ.
Te semper sítiat fontem vitæ,
fontem sapiéntiæ et sciéntiæ,
fontes ætérni lúminis,
torréntem voluptátis,
ubertátem domus Dei.
Te semper ámbiat,
te quærat,
te invéniat,
ad te tendat,
ad te pervéniat,
te meditétur,
te loquátur,
et ómnia operétur in laudem et glóriam
nóminis tui,
cum humilitáte et discretióne,
cum dilectióne et delectatióne,
cum facilitáte et afféctu,
cum perseverántia usque in finem;
Ut tu sis solus semper spes mea,
tota fidúcia mea,
divítiæ meæ,
delectátio mea,
iucúnditas mea,
gáudium meum,
quies et tranquíllitas mea,
pax mea,
suávitas mea,
odor meus,
dulcédo mea,
cibus meus,
reféctio mea,
refúgium meum,
auxílium meum,
sapiéntia mea,
portio mea,
posséssio mea, thesáurus meus,
In quo fixa et firma et immobíliter semper
sit radicáta mens mea et cor meum.
Amen.
medúllas et víscera ánimæ meæ
suavíssimo ac salubérrimo amóris tui
vúlnere,
vera serenáque et apostólica sanctíssima
caritáte,
ut lángueat et liquefíat ánima mea solo
semper amóre et desidério tui;
te concupíscat et defíciat in átria tua,
cúpiat dissólvi et esse tecum.
Da, ut ánima mea te esúriat, panem
Angelórum, refectiónem animárum
sanctárum,
panem nostrum cotidiánum,
supersubstantiálem, habéntem omnem
dulcédinem et sapórem et omne
delectaméntum suavitátis.
Te, in quem desíderant Angeli prospícere,
semper esúriat et comédat cor meum,
et dulcédine sapóris tui repleántur víscera
ánimæ meæ.
Te semper sítiat fontem vitæ,
fontem sapiéntiæ et sciéntiæ,
fontes ætérni lúminis,
torréntem voluptátis,
ubertátem domus Dei.
Te semper ámbiat,
te quærat,
te invéniat,
ad te tendat,
ad te pervéniat,
te meditétur,
te loquátur,
et ómnia operétur in laudem et glóriam
nóminis tui,
cum humilitáte et discretióne,
cum dilectióne et delectatióne,
cum facilitáte et afféctu,
cum perseverántia usque in finem;
Ut tu sis solus semper spes mea,
tota fidúcia mea,
divítiæ meæ,
delectátio mea,
iucúnditas mea,
gáudium meum,
quies et tranquíllitas mea,
pax mea,
suávitas mea,
odor meus,
dulcédo mea,
cibus meus,
reféctio mea,
refúgium meum,
auxílium meum,
sapiéntia mea,
portio mea,
posséssio mea, thesáurus meus,
In quo fixa et firma et immobíliter semper
sit radicáta mens mea et cor meum.
Amen.
Share & Connect
bakersfieldCATHOLIC - Copyright © 2013 - 2022 breakthrough - All Rights Reserved.
If you are seeking the website for the Roman Catholic Diocese of Fresno, please use the following URL: www.dioceseoffresno.org