Angelicum Trisagium (Angelic Trisagion)

In nómine Patris et Fílii et Spíritus Sancti. 
Amen. 
V. Dómine, lábia mea apéries. 
R. Et os meum annuntiábit laudem tuam. 
V. Deus in adiutorium meum intende. 
R. Dómine, ad adiuvándum me festína. 

V. Glória Patri et Filio et Spirítui Sancto, 
R. Sicut erat in principio, et nunc, et semper, et in sæcula sæculorum. Amen. 

Omnia: Sanctus Deus, Sanctus fortis, 
Sanctus immortális, miserére nobis. 

V. Pater noster, qui es in cælis, sanctificetur nomen tuum. Adveniat regnum tuum. Fiat voluntas tua, sicut in cælo et in terra. Panem nostrum quotidianum da nobis hodie, et dimitte nobis debita nostra sicut et nos dimittimus debitoribus nostris. Et ne nos inducas in tentationem, sed libera nos a malo. Amen. 

V. Tibi laus, Tibi glória, Tibi gratiárum actio in sæcula sempitérna, O Beata Trínitas. 
R. Sanctus, Sanctus, Sanctus Dóminus Deus exercituum. Pleni sunt cœli et terra glória tua. 

V. Glória Patri et Filio et Spirítui Sancto, 
R. Sicut erat in principio, et nunc, et semper, et in sæcula sæculorum. Amen. 

Ant: Te Deum Patrem ingénitum, te Filium unigénitum, te Spíritum Sanctum Paráclitum, sanctam et indíviduam Trínitatem, toto corde et ore confitémur, laudámus, atque benedícimus: Tibi glória in sæcula. 

V. Benedicámus Patrem, et Fílium cum Sancto Spíritu. 
R. Laudémus et superexaltémus eum in sæcula. 

Orémus. 
Omnípotens sempitérne Deus, qui dedísti famulis tuis in confessióne veræ fídei, æternæ Trinitatis glóriam agnóscere, et in poténtia maiestátis adoráre Unitátem:  quæsumus, ut eiusdem fídei firmitate,  ab ómnibus semper muniámur advérsis. Per Christum Dóminum nostrum. 

Omnia: Amen. Omnia: Líbera nos, salva nos, vivífica nos, O Beáta Trínitas!