O Sanctissima (O most holy one)

O Sanctíssima, O piíssima, 
Dulcis Virgo Maríæ! 
Mater Amáta intemeráta 
Ora, ora pro nobis. 

Tu solátium, et refúgium, 
Virgo Mater María! 
Quid quid optamus, in te speramus, 
Ora, ora pro nobis. 

Ecce débiles, per quam flébiles, 
Salva nos, O María! 
Tolle languóres, pelle dolóres, 
Ora, ora pro nobis. 

Tota pulchra es O María, 
et mácula non est in te, 
Mater Amáta, intemeráta, 
Ora, ora pro nobis 

Sicut lílium inter spinas, 
sic María inter fílias, 
Mater Amáta, intemeráta, 
Ora, ora pro nobis. 

In miséria, in angústia, 
Ora Virgo pro nobis, pro nobis 
Ora in mortis hora, 
Ora, ora pro nobis. 

Virgo réspice, Mater, áspice, 
Audi nos, O María! 
Tu medicínam Portas divínam, 
Ora, ora pro nobis.